Home » » تحميل رواية هيبتا pdf - محمد صادق رابط مباشر

تحميل رواية هيبتا pdf - محمد صادق رابط مباشر

من طرف abdelmajid eladnani يوم الثلاثاء، 28 مارس، 2017 | 3:51:00 ص

رواية هيبتا من تأليف الكاتب المصري محمد صادق.

كلمة "هيبتا" كتعني الرقم "7" بالاغريقة.. و اختار الكاتب هاد الاسم لأن الرواية كتهضر على "المراحل السبعة" لي كندوزو منهم في الحب و العلاقات العاطفية.
المرحلة الأولى "البداية": هي احسن مرحلة..مرحلة مشتركة بين جميع العلاقات.. مرحلة الشغف و اللهفة و أنك باغي توصل لواحد الشخص بأي طريقة..
المرحلة الثانية "اللقاء" او "الجنون": و هي مرحلة المعرفة و تبادل الأشياء المشتركة.. و كيبدا كل طرف بالتصرف بطريقة غريبة و مجنونة للفت انتباه الطرف الآخر (هاد المرحلة من أجمل و اصدق مراحل الهيبتا ).
المرحلة الثالثة "العلاقة" : او الارتباط الحقيقي بين الشخصين.
المرحلة الرابعة"الادراك": إدراك الاختلاف و العيوب الموجودة فشخصية الطرف الآخر... الشيء لي مكنردوش ليه البال فالمراحل الاولي من العلاقة و كيخلينا نطيحو على زنافرنا.. هادي هي مرحلة "الصدمة"
المرحلة الخامسة "الحقيقة" : هاد المرحلة مرتبطة مع المرحلة السابقة.. فيها كيتاكد كل طرف بلي الوعود لي عطاها ليه الطرف الآخر (باش يحافظ عليه و على العلاقة و يصبر على اي مشكل او أزمة.. ) هي وعود كاذبة.. و كتبدا تبان أسوأ مشاعر فالعلاقة (الامتلاك-عدم التقدير-الاحتياج-التطبيع-عدم التقدير و الشك و الغيرة ) و عادة سبعة مشاعر ممكن يهددو اي علاقة.
المرحلة السادسة "القرار": فهاد المرحلة كل طرف كيضطر يختار بين "إنهاء العلاقة" او "المقاومة"..
المرحلة السابعة و الاخيرة "النهاية-الهيبتا" : الا نجحنا فمرحلة "القرار" و اختارينا المقاومة.. كنوصلو من بعد لمرحلة النهاية و النجاح فيها ماشي سهل نهائيا .. بالعكس .. كيحتاج مجهود يومي و مستمر من الطرفين.
الكاتب ماهضرش على مراحل الهيبتا بشكل تقليدي مباشر.. بل حاول يفسر المراحل ب "اربع شخصيات".. هاد الشخصيات كيدوزو بتجارب مختفلة و كيعيشو احداث غير متشابهة نهائيا و لكن كيوقعو فنفس الاخطاء و كيتالمو نفس الالم و كيدوزو من جميع مراحل الهيبتا.
هيبتا من أجمل الروايات لي قريتها .. و فينما كنلقا الوقت كنعاودها.. بفضل هاد الرواية اتقدري تعرفي لأي مرحلة وصلتي فعلاقتك.. و غادي تأكدي بلي واخا الناس لي ضايرين بيك عايشين حياتهم بطريقة مختلفة عليك ولكن ايدوزو من نفس المراحل لي ادوزي منهم و الفرق بيناتكم كيتجلى فقط فمرحلة "القرار".. غادي تعلمي متهربيش.. و تواجهي.. واخا تعييك العلاقة خاصك تاخدي قراري اما تنهيها و ترتاحي او تقاومي و تزيدي تصبري و من بعد كلشي كيتقاد.
كلكم غادين تلقاو راسكم فهاد الرواية.. سواء كنتو بغيتو من قبل او لا..
(هاد الرواية تحولات لفيلم...بنفس الشخصيات و نفس الاحداث.. و لكن كنصحكم تقراوها قبل ما تشوفو الفيلم باش تشوفو الاسلوب ديال الكاتب و تخيلو الشخصيات بووحدكم و تخدمو عقلكم شوية )

تنزيل رواية هيبتا pdf

0 التعليقات:

إرسال تعليق

تنبيه

موقعنا لا يرفع اي برنامج او تطبيقات على سيرفراتنا هذه الروابط من المواقع الرسمية وجميعها مجانية او نسخ تجريبية Demo or Free
 جميع محتويات الموقع لا تنتهك حقوق الملكية لذلك عند وجود أي مشاركة مخالفة يرجي الابلاغ "من خلال القائمة الجانبية " .
التعليقات المنشورة لا تعبر عن رأي الموقع ولا نتحمل أي مسؤولية قانونية حيال ذلك (ويتحمل كاتبها مسؤولية النشر) .